BASQUET CORUÑA U16/15 41-69 CB ARTEIXO DUACODE
8-19, 12-20, 11-21, 10-9
O partido empezou moi ben por parte dos nosos xogadores, a pesares das baixas (Simón, Enzo e Ángel) e dos últimos resultados acadados, moi atentos na defensa e rápidos no ataque. Varios roubos de balón propician canastras doadas e todos os xogadores van aportando según van saíndo á pista.
Pouco a pouco a distancia vai aumentando ata chegar ós 30 puntos de vantaxe para os nosos que durante todo o tempo estiveron concentrados e foron quen de ir anotando con regularidade durante os tres primeiros cuartos, só no último (co partido case decidido) baixou un pouco o nivel de anotación, aínda que na defensa a intensidade e a atención mantívose durante todo o tempo.
Destacar a participación por primeira vez na tempada de Pedro do equipo infantil que tivo, como todos os demáis compañeiros, unha boa actuación.
Remata así a primeira fase da competición con un balance de 9 partidos gañados e 5 perdidos que nos deixan na terceira posición do grupo e levaránnos a loitar polos postos do 5 ó 8 na segunda fase que comezará a fin de semana do 10/11 de marzo.
