CB Arteixo DUACODE 47 - 44 Trebóns Basket Club
Parciais: 18-15, 9-9, 16-10, 4-10
Bo empezo de partido con un 7-0 producido por dúas recuperacións de balón e unha tripla. Móvese ben o balón e hai moito acerto no triple (4 en este primeiro cuarto), pero nos minutos finais do cuarto despois de chegar a ter 11 puntos de vantaxe, a pasividade na defensa e o rebote apretan o marcador.
No segundo cuarto fréase o ritmo anotador dos dous equipos, pouca agresividade dos nosos diante da pechada defensa visitante e os ataques acaban case sempre en tiros que xa non teñen o acerto do cuarto anterior.
Despois do descanso parece que nos despegamos no marcador chegando a ter 10 puntos de vantaxe, pero outra vez o baixón no ritmo de ataque e a frouxa defensa permiten que se iguale o marcador outra vez.
No último cuarto segue a falta de agresividade tanto en ataque como en defensa e os visitantes chegan a poñerse a dous puntos a pouco do final, pero varios ataques rápidos que propician varias faltas e unha maior concentración no rebote defensivo así como o acerto no tiro libre ó final fan deixan a victoria na casa.
