O pasado xoves día 4 de xneiro remataron as primeiras xornadas de tecnificación de Nadal do CB Arteixo Duacode Concello de Arteixo. Unha experiencia fantástica dende o punto de vista dos adestradores do club, que poideron intercambiar entre eles impresións á hora de traballar diferentes aspectos da técnica individual, así coma desfrutar tamén dos progresos dos xogadores e xogadoras.
Ás xornadas asistiron en diferentes sesións e grupos 65 xogadores e xogadoras do noso club con idades comprendidas entre os 6 e os 17 anos.
As sesións estiveron marcadas pola concentración e o esforzo de tódolos participantes, que traballaron diferentes aspectos da técnica individual, dende o tiro ata pase e o bote, pasando pola técnica individual defensiva. Aínda que a estrela das xornadas foi o tiro, que se traballou progresivamente en cada unha das sesións.
Finalmente de despedida das xornadas xogáronse tamén partidos de 3x3 para relaxar tanta concentración.
Esperamos dende o CB Arteixo que todos e todas disfrutarades moito do traballo feito durante o Nadal, e que queirades repetir nas seguintes xornadas de tecnificación que se levarán a cabo en vindeiras datas, moitas grazas polo voso compromiso e esforzo.
Agora a seguir traballando duro na segunda parte da tempada.
