CB Arteixo DUACODE 65 - 59 KFC Culle
Parciais: 15-11; 10-18; 21-10; 18-20
Partido moi bonito o xogado o domingo pola mañá no Pazo dos Deportes. A igualdade foi a tónica dominante durante todo o partido.
O equipo empezou moi serio na defensa e con accións rápidas de 1x1 no ataque que dan canastras doadas e van facendo que os xogadores collan confianza. Ademáis tamén se traballa bastante ben na saída da presión. O problema ó principio é o rebote, pero pouco a pouco vaise solucionando.
No segundo cuarto os visitantes apretan máis e aumentan a intensidade tanto na defensa como no ataque e nos catro últimos minutos do cuarto despois de un 21-15 para os nosos, acadan un parcial de 4-14 que leva o partido ó descanso con 4 puntos de vantaxe para os de Culleredo.
A volta do parón, cando parecía que o líder ía marcar diferencias, os nosos arrancan con un 6-0 que nos devolve o mando no marcador e, animados por este arranque, o equipo segue a traballar moi forte no rebote (xa non o dominan os visitantes) e acadamos ata 7 puntos de vantaxe que reflexa o marcador ó final do cuarto.
No último cuarto, volve a igualarse o marcador (pero sempre cos nosos por diante) e aínda que os visitantes cambian a defensa, seguimos atacando con moita rapidez e respostando ás acometidas dos de Culle. Así chegamos a falta de 13 segundos con 59-57 e con balón visitante, que nun ataque rápido empatan a 59 a falta de case tres segundos. Tempo morto e, aínda que non se pode xogar a situación que se pretendía, o balón chega a Iago que lanza de 3 e o árbitro sinala falta persoal con 3 décimas por xogar. Prodúcense protestas pola sinalización da falta no banquiño local, e o árbitro castiga con falta técnica ó adestrador visitante e despois outra falta descalificante o que nos da 6 tiros libres dos que anotamos 5 para por o definitivo 64-59.
O próximo partido será en Narón en data e hora aínda por determinar e esperamos con tódolos xogadores recuperados de lesións e enfermidades.
