STAR CENTER FERROL “B” 49-CB ARTEIXO DUACODE 36
(14-4)(7-5)(12-14)(16-13)
Mañán friísima na cidade departamental, no exterior 1 grao, no interior do pavillón da Casa do Deporte algún baixo 0.
E así comenzou o partido cos dous conxuntos un tanto fríos, aínda que as ferroláns de seguido comezaron a anotar e as arteixáns tiñan moitas dificultades, ainda que movían moi ben o balón.
No segundo cuarto o acerto seguiu sendo escaso por parte dos dous equipos para chegar o descanso con 11 puntos de ventaxa para as locáis e tan só 9 puntos anotados polas de Arteixo.
Tras o descanso o bo xogo traduciuse en puntos e as rapazas do CB Arteixo Duacode incluso soñaron con gañar o encontro, xa que chegaron a poñerse a 6 puntos de diferenza, pero a xogadora número 58 do Star Center asumiu toda a responsabilidade do seu equipo (38 puntos anotou) para manter as ferroláns sempre por diante con diferenzas sobre os 10 puntos.
En calquera caso ó final non saltou a sorpresa pero o xogo foi moi bo por parte das arteixáns que están claramente en liña ascendente.
