CB ARTEIXO DUACODE 72-76 FERROL CB
23-18, 9-14, 17-24, 16-9, 7-11
PARTIDAZO!!!!
Gran partido o xogado polos dous equipos que se decidiu na prórroga a prol dos ferroláns
Moi bo comezo dos nosos, dominando o ritmo, atacando ben aínda que a defensa están un pouco "permisiva" (igual que en case todo o partido). Igualdade no marcador qiue se rompe a favor do noso equipo que acada un 21-14 a falta de dous minutos para o remate do cuarto, pero certa relaxación permite dúas canastras doadas dos visitantes que deixan 5 arriba para os nosos ao final do cuarto.
No segundo cuarto, moi mal arranque no ataque e na defensa concedendo canastras doadas en 1x1. O ritmo agora márcano os visitantes e van igualando o marcador pouco a pouco para acabar igualados a 32.
Outro mal arranque despois do descanso, con moitos despistes e unha defensa moi branda danlle unha boa distancia aos ferroláns (7 puntos) que van controlando o partido para xogar cómodos administrando a vantaxe no marcador. Dúas triplas para rematar o cuarto non deixan que a diferenza sexa demasidao grande. O cuarto péchase cun tanteador bastante alto (17-24) e 7 puntos abaixo.
Entramos no último período con problemas de faltas e empezamos con varias perdas consecutivas (o principal problema durante todo o partido), pero outras dúas triplas consecutivas vannos acercando pouco a pouco no marcador. No último minuto arriscamos para recuperar e somos quen de empatar a falta de 2 segundos.
Na prórroga, varios malos ataques e defensas frouxas danlle 5 puntos aos visitantes e, aínda que o intentamos, non somos quen de volver a remontar.
En definitiva, un moi bo partido por parte dos dous equipos, dos que deixan bo sabor de boca a pesares da derrota.
