A nosa historia

Atopámonos inmersos nunha nova etapa para o Club na que, despois de case que 30 anos de existencia, consideramos dende a xunta directiva que era o momento idóneo para darlle un gran xiro o Club. Sen esquecer nunca de onde vimos e quen somos, consideramos que chegou o momento de ser coñecidos e recoñecidos no noso pobo. Deste xeito lanzámonos á promoción do baloncesto nas clases de educación física dos diferentes institutos e colexios de Arteixo.

Tamén reactivamos as nosas redes sociais e creamos a nova WEB do C.B. Arteixo, cun continuo bulir de novas, tanto dos nosos xogadores e xogadoras coma de outras novas relacionadas con noso deporte.

Creemos nembargante, que isto non é dabondo, e pretendemos tamén ter visibilidade nos diferentes negocios da vila, que sexa a propia xente do pobo a que se sinta orgullosa de ter un club como o noso.

Queremos darvos a benvida a todos á gran familia do C.B.Arteixo.

Nacemento do clube

O Clube sempre pretendiu dende o seu nacemento alá polo ano 1990 o desenrolo do baloncesto feminino e masculino sen distincións, dentro do ámbito do Concello de Arteixo.

Actualidade

As máis de 100 licencias repartidas en máis de 10 equipos, xunto co traballo semanal nos colexios, converte o C.B. Arteixo nun referente da comarca.

Valores do noso proxecto

Carácter fundamentalmente educativo baseado no eixo RESPETO-DIVERSIÓN-MÁXIMA ESIXENCIA.
Prima-lo xogo por riba do resultado.
Fomenta-las actitudes de cooperación dentro dos equipos.
Promover actitudes de respecto ante o adversario, árbitros, e demais intervintes no desenvolvemento dos encontros e adestramentos.
Estimular a autosuperación e a autoestima.
Favorece-las actitudes responsables no cumprimento das normas.