JESUITINAS C 28 - 68 CB ARTEIXO DUACODE
Sábado 16 de febreiro de 2019, 9.30, Pazo dos Deportes - Arteixo
CB Arteixo Duacode: Brais Queijas, Álex Rama, Aarón Romero, Martín Rodríguez, Víctor de Oliveira -5 inicial- Hugo Núñez, Yago Prados, Álvaro Fernández, Óscar Mañana, Carlos Senra, David Eirís (adestrador)
Parciais: 7-18, 10-26, 13-36 (descanso), 19-41, 23-50, 28-68 (final)
Asistencia: Bo ambiente na xornada de minibasket disputada no Pazo
Desta volta a condición de visitante resultaba anecdótica, xa que os arteixáns repetían xornada no Pazo de Arteixo e formalismos aparte xogaban na casa. Sen embargo, as sensacións non recordaban tanto á semana pasada, cun conxunto efectivo pero falto de concentración e por intres de intensidade (13-36 descanso).
Na segunda metade o encontro seguiría o mesmo guión. Ante un conxunto mermado polas baixas, os arteixáns amosaban máis descoidos defensivos dos habituais e pecaban de individualistas nas transicións. A xenerosidade chegaba máis no posicional con bonitas xogadas, se ben o desorde condicionaba cada vez máis a efectividade, maquillada polas canastras do tramo final do encontro. Finalmente nova victoria, da cal os nosos deben aprender a evitar relaxacións mentais se queren seguir medrando no seu xogo e acadar todo-lo seu potencial (28-68 final).
