PBB "B" 72 - 60 CB ARTEIXO DUACODE (22-07, 18-11, 17-14, 15-28)
Comezou moi ben o conxunto arteixán cun xogo de pases no ataque sensacional, e defendendo con intensidade, pero erros incribles de cara o aro facían que o marcador estivera igualado nos primeiros compases.
De súpeto, de maneira inexplicable, o mesmo de sempre! un apagón total no xogo e o equipo local (un bo equipo) que lle encaixa o CB Arteixo Duacode un parcial de 20-0, e que case sentencia o encontro no primeiro cuarto.
A partir de aquí, algo de melloría no equipo visitante, pero os locáis non afrouxaron o ritmo e chegaron a ter ventaxas de case 30 puntos.
Na segunda parte o máis destacable foi a loita do conxunto de Arteixo, que un día máis non deixou de pelexar ata acadar no último cuarto un meritorio resultado de 15-28.
Sen embargo estes arranques de carácter non son de abondo para competir a tope na liga na que estamos, a concentración ten que subir aínda moitos peldaños para poñernos a altura dos equipos os que nos imos enfrontar.
A ver si esta semana damos un bo paso adiante!!
Xogaron polo CB Arteixo Duacode: Escariz, Antelo, Conchado, Hugo Val, Jesús, Andrés, Rober, Nacho P. e Ocampos (non poñemos a anotación porque a acta non reflicte a realidade).
