|| Senior: CB Arteixo Duacode Sénior Masculino 3ª - Fucobet · 08/06/2019 18:00 Pazo dos Deportes - Arteixo

PERDENDO A IDENTIDADE

Alevín Masculino
17 Abril 2019
PERDENDO A IDENTIDADE

 

FRANCISCANOS 37 - 47 CB ARTEIXO DUACODE

Sábado 6 de abril de 2019, 9.30, Pazo dos Deportes - Arteixo

CB Arteixo Duacode: Álex Rama, Hugo Nuñez, Aarón Romero, Álvaro Fernández, Carlos Senra -5 inicial- Brais Queijas, Yago Prados, Martín Rodríguez, Óscar Mañana, Víctor de Oliveira, David Eirís (adestrador)

Parciais: 8-5, 16-14, 19-15 (descanso), 27-20, 35-35, 37-47 (final)

Asistencia: Bo ambiente na xornada de minibasket disputada no Pazo


Lonxe de deixar como anécdota o final do último partido, os arteixáns continuarían a mostrar moitos problemas e desta vez dende o comezo do encontro. A nula concentración non executaba unha defensa en condicións en case ningunha xogada e o conxunto rival achegábase sen problemas, disfrutando de moitas ocasións. Nada ao que aferrarse no lado ofensivo, onde os nosos esquecíanse do xogo que lles permitiu liderar o grupo, acadando soamente 15 puntos en toda a primeira metade (19-15 descanso)

Na segunda metade os arteixáns continuaban a correxir certos aspectos, pero seguían incómodos ante un rival que lideraba o marcador en todo momento. A partires do quinto periodo os arteixáns sacarían a raza sempre necesaria e pouco a pouco tomarían o control do partido, aínda que beneficiándose dun factor clave: algúns xogadores do conxunto rival abandonaban o encontro antes de tempo para acudir a outro compromiso. Finalmente, pese a xogar un mal partido, os nosos solventaban a situación pero coa responsabilidade de recuperar unha identidade perdida.


Compartir en:

Anterior Seguinte
Esta web emprega cookies. Se continúas navegando entendemos que aceptas a nosa Política de cookies.