Primeiro partido da tempada para as nosas alevíns do CB Arteixo Duacode que nesta ocasión enfrontouse ao equipo Jesuitinas B. O noso equipo Alevín tivo ata cinco xogadores debutando na competición.
O partido comezou con moita igualdade entre os dous equipos. Os nervios do primeiro partido da tempada notáronse o que se transformou en erros que os dous equipos usaron para conseguir cestas fáciles preto do aro.
Esta igualdade mantívose ata o cuarto período onde o equipo de Jesuitinas logrou saír cunha lixeira vantaxe ao final. Tras o descanso entre os cuartos, o Arteixanas tivo no quinto periodo o máis desacertado , que o equipo rival aproveitou para conseguir unha vantaxe de 14 puntos ao final do período.
Pero non estaba todo dito polas nosas rapazas, que apoiadas nunha gran defensa, conseguiron roubar e marcar con solvencia poñéndose a tres puntos e posesión a falta de 20 segundos. Neste momento, sacouse de fondo e Sira (xogadora alevín de segundo ano) recibiu a pelota e despois de dar 5 botes, parou e marcou unha tripla que empatou o partido a falta de 10 segundos. As xogadoras jesuitinas non estaban dispostas a deixar escapar o partido e cun disparo no último segundo, que acabaría entrando, sentenciarían o encontro.
Por último, felicitar ás nosas rapazas por non renunciar ata o final e por un gran xogo.
CB Arteixo Duacode 47-49 Jesuitinas B
