|| Senior: CB Arteixo Duacode Sénior Masculino 3ª - Fucobet · 08/06/2019 18:00 Pazo dos Deportes - Arteixo

ENCONTRO MOI SERIO NA ILLA

Sénior Masculino 2ª
3 Abril 2019
ENCONTRO MOI SERIO NA ILLA

ILLA DE AROUSA 65 -79  CB ARTEIXO DUACODE (21-21, 15-18, 09-18, 20-22)

Sabían os de Arteixo que este era un encontro chave no que resta de tempada e presentáronse na Illa de Arousa a facer un partido moi serio ante un conxunto moi complicado.

O inicio foi espectacular por parte dos locáis que anotaban todo o que lanzaban con 4 triplas nos primeiros 5 minutos, sen embargo os visitantes non tolearon, a sebendas de que non estaban a facer as cousas tan mal como reflectía o marcador. E así foi, pouco a pouco os arteixáns foron igualando as cousas.

No segundo cuarto un pequeno paso adiante na defensa dos do CB Arteixo Duacode fixo que apareceran as primeiras diferenzas a prol deles, comezaba a amosarse algo de desesperación nos locáis, que xa non atopaban o aro con tanta claridade.

Tras o descanso os mellores momentos dos visitantes que xa defendían coa intensidade necesaria e no ataque non paraban de anotar con regularidade que facía que as diferenzas xa foran importantes.

No cuarto definitivo, a pesares de algún intento de achegarse no marcador por parte dos da illa, os do CB Arteixo Duacode tiveron o encontro ben controlado, e en ningún momento perigou a victoria que terminou sendo cómoda.

Tan so queda dar un pasiño máis para a consecución do obxectivo da tempada que non é outro que entrar na fase de ascenso a primeira nacional. Se o conxunto arteixán é quen de vencer o CB Allariz o vindeiro sábado as 18:00 no Pazo terá matemáticamente o pase a final a 4.

XOGARON E ANOTARON: ANTELO 10, IAGO 15, JESÚS 12, ANDRÉS 13, CONCHADO 11, NACHO 5, SIMÓN 6, OCAMPOS 7 E ESCARIZ.

 


Compartir en:

Anterior Seguinte
Esta web emprega cookies. Se continúas navegando entendemos que aceptas a nosa Política de cookies.