A fin de semana ven cargada de acontecementos para o CB Arteixo Duacode. O sábado á mañán, e en colaboración co CCA, estaremos presentes nas rúas do pobo facendo unha actividade na que haberá unha serie de retos relacionados co baloncesto para superar en diferentes localizacións. Para aqueles que sexan quen de superar algún haberá premio garantido. Acompañaranos nunha das rúas Rocío Varela xogadora do Durán Maquinaria Ensino da LIGA DÍA.
Entre as 11 e as 13:30 vos esperamos na rúa Uxío Novoneyra, na peatonal e na praza das Viñas. Non vos perdades a "ruleta da sorte"!!
O mediodía tocará viaxar cara Mondoñedo onde un grupo das nosas rapazas participarán pola tarde e durante todo o día do domingo no I Torneo de pretempada "MONDOÑEDO NO CAMIÑO NORTE".
Xunto coas nosas participarán tamén: Grupo Covadonga, CB Allariz Reale Seguros Ourense, Café Candelas Ensino Lugo, KFC Culleredo e CB Burela.
Como vedes diversión non ha faltar na fin de semana do CB Arteixo!!
