FERROL CB 67-63 CB ARTEIXO DUACODE
17-15, 21-14, 11-14, 18-20
Empeza o partido cos nosos frouxos na defensa e cos locais atacando desde o exterior con tiros claros sen oposición e os de Arteixo buscando balóns interiores e sacando faltas. O marcador vai igualado pero cos ferroláns sempre por diante.
No segundo cuarto, os locais anotan con falicidade sen que os nosos xogadores sexan quen de aguantar os seus ataques, á vez que se erran varios ataques debido a que se producen precipitacións á hora de buscar as mellores opcións. O resultado son 9 puntos abaixo ao descanso.
A segunda parte empeza con pouco acerto por parte dos dous equipos e o marcador móvese pouco a pouco. O xogo vai mellorando e ao final do cuarto recórtanse 3 puntos.
O último cuarto empeza con 6 puntos abaixo no marcador e coa necesidade de remontar. Chegamos a empatar o partido, pero nos últimos minutos, varias precipitacións, lévannos a cometer erros e perdas de balón que os locais aproveitan para voltar a poñerse por diante e, acertando desde o tiro libre, manteñen a vantaxe para levarse o partido.
