Éxito rotundo, así podemos calificar a primeira edición de Bota o día en Arteixo.
Polas 3 localizacións establecidas nas rúas da vila pasaron case que 150 persoas por cada unha. Quizá a zona máis concurrida fora a Praza das Viñas, onde estaba establecida a ruleta que repartía os premios. Tamén foron moitos os que fixeron o circuito de habilidades na Avenida do Balneario. E na rúa Uxío Novoneyra, si ben tamén pasaron moitos participantes, foi máis en contapingas.
A verdade e que foi un gustazo ver tanto baloncesto polas rúas, participando tanto pequenos coma grandes. Algún pai e algunha nai dos nosos dalle bastante xeito...
Moitas grazas a todos por participar, e moitas grazas o CCA por confiar en nos para facer esta actividade, agardamos que esta colaboración non faga máis que comezar.
Tamén agradecer o Basquet Coruña por deixar asistir a 3 xogadores do seu primeiro plantel (qué ben o pasaron os rapaces con eles na Praza das Viñas) e a Rocío Varela, xogadora do Durán Maquinaria Ensino que traballou moitísimo toda a mañán nunha das ubicacións.
